У рамках прафілактычнай работы, якая праводзіцца з мэтай папярэджання надзвычайных сітуацый, гібелі і траўматызму дзяцей, а таксама правядзення адукацыйна-выхаваўчай работы ў галіне бяспекі жыццядзейнасці, курсанты Універсітэта грамадзянскай абароны МНС Рэспублікі Беларусь Лотыш Дзяніс, Ліхута Дзяніс і Ляшэнка Мікіта правялі ўрок бяспекі з першакласнікамі ДУА «Сярэдняя школа №69 г. Мінска».
Простымі і зразумелымі словамі курсанты распавялі дзецям аб службе МНС, пра бяспечныя паводзіны дома і на вуліцы, аб правілах паводзін на вадаёмах, пры навальніцы, алгарытме дзеянняў пры пажары і правілах выкліку выратавальнікаў і іншых экстранных служб. Для большай зацікаўленасці рабят і лепшага засваення матэрыялу інфармацыю даводзілі ў гульнявой форме, з правядзеннем розных віктарын і конкурсаў па бяспецы. Першакласнікі з захапленнем удзельнічалі ў конкурсах, адказвалі на пытанні. І ў кожнага з іх была свая цікавая гісторыя, якой яны хацелі падзяліцца з усімі. У выніку вучні даведаліся шмат новага, карыснага і цікавага. Абсалютна ўсе атрымалі на памяць тэматычную прадукцыю з сімволікай МНС.
