З 17 да 23 лютага у Гомельскім філіяле прайшоў тыдзень роднай мовы, прысвечаны Міжнароднаму дню роднай мовы, які адзначаецца ва ўсім свеце 21 лютага. Кафедра арганізацыі дзейнасці органаў і падраздзяленняў па надзвычайных сітуацыях разам з бібліятэкай абвясцілі акцыю для супрацоўнікаў і курсантаў філіяла, накіраваную на дэманстрацыю мілагучнасці, дзіўнасці, пявучасці, далікатнасці, арыгінальнасці роднай мовы. Супрацоўнікі і курсанты знаходзілі беларускія словы, якія падабаюцца, здзіўляюць, выклікаюць ўсмешку, змяшчалі фотаздымкі (малюнкі) і словы на стэндзе каля бібліятэкі, увесь тыдзень чыталі вершы пра мову на занятках па беларускай мове.
Завяршыўся тыдзень 22 лютага літаратурна-музычнай кампазіцыяй “Бясследна нішто не міне, гісторыя слова адродзіць”, у якой узялі ўдзел курсанты першага курса інжынернага факультэта.
